Qyzylordada kólik qaqqan adam kóz jumdy
Kólik qaqqan jaıaý júrginshi oqıǵa ornynda qaıtys boldy. Avtokólik júrgizýshisi ustaldy. Bul oqıǵa boıynsha qylmystyq is qozǵaldy.
«Atalǵan derek boıynsha QR Qylmystyq kodeksi 345-babynyń 3-bóligimen sotqa deıingi tergeý júrgizilip jatyr. Onda kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzý jaǵdaıy kórsetilgen. Tıisti saraptamalar taǵaıyndalyp, oqıǵanyń mən-jaıy anyqtalýda», - dep málim etti Qyzylorda oblystyq polıtsııa departamentiniń baspasóz qyzmeti.
Baspasóz qyzmeti Qylmystyq-protsessýaldyq kodekstiń 201-babynyń talaptaryna sáıkes, sotqa deıingi tergep-tekserýdiń basqa derekteri jarııa etilmeıtinin eskertti.
Budan buryn da Qyzylordada avtokólik qaqqan adam oqıǵa ornynda kóz jumǵanyn habarlaǵan edik.