Qyzylordada kólik ishinen adamnyń máıiti tabyldy
Atalmysh oqıǵa Qyzylorda qalasynda boldy. Adam máıitiniń tabylý deregi boıynsha QR Qylmystyq kodeksiniń 99-babynyń 2-bóligimen (Adam óltirý) sotqa deıingi tergep-tekserý amaldary júrgizilýde.
«Táýlik ishinde jedel-izdestirý sharalarynyń nátıjesinde qylmysqa qatysy bar degen kúdikpen oblys ortalyǵynyń 26 jáne 41 jasar eki turǵyny anyqtalyp, ustaldy. Kúdiktiler Qyzylorda qalalyq Polıtsııa basqarmasynyń ýaqytsha ustaý abaqtysyna qamaqqa alyndy», - dep málim etti Qyzylorda oblystyq polıtsııa departamentiniń baspasóz qyzmeti.
Oblystyq polıtsııa departamenti qalǵan málimetter QR Qylmystyq-protsestik kodeksiniń 201-babynyń talaptaryna sáıkes, tergeý qupııalyǵyna baılanysty jarııa etilmeıtinin málimdedi.
Budan buryn Qyzylordada avtokólik jaıaý júrginshiler jolynda úsh adamdy qaǵyp ketkenin habarlaǵan edik.