Qyzylordada kólik apatynan eki adam kóz jumdy

QYZYLORDA. QazAqparat - Qyzylordada jol-kólik oqıǵasynan 2 adam qaıtys boldy, dep habarlaıdy QazAqparat tilshisi.

Qaıǵyly oqıǵa búgin tańerteń bolǵan. Qyzylorda qalasynyń ortalyq bóligindegi Qorqyt ata jáne Jeltoqsan kósheleriniń qıylysynda eki kólik soqtyǵysty.

«Mercedes-Benz» kóliginiń ıesi qarama qarsy baǵytta kele jatqan «Volkswagen» markaly avtokólikke jol bermesten burylǵan. Oqys oqıǵa saldarynan eki adam kóz jumdy. Atalǵan derek boıynsha QR Qylmystyq kodeksiniń 345-babynyń 4-bóligimen sotqa deıingi tergep-tekserý amaldary júrgizilýde. Saraptamalar taǵaıyndaldy», - dep málim etti Qyzylorda oblystyq polıtsııa departamentiniń baspasóz qyzmeti.