Qyzylordada kólik apatynan 5 adam kóz jumyp, 6 adam zardap shekti
NUR-SULTAN. QazAqparat – Qyzylorda oblysynda iri kólik apatynan 5 adam kóz jumyp, taǵy 6 adam zardap shekti, dep habarlaıdy QazAqparat Eńbek mınıstrligine silteme jasap.
13 qańtar kúni saǵat 14:30 shamasynda Qyzylorda-Qumkól tas jolynyń 69 shaqyrymynda «SNPS-Aıdan Munaı» AQ-qa tıesili «Mersedes-Benz sprinter» avtokóligi men «SPMK» JShS-ǵa tıesili «Toyota Hilux» avtokóligi soqtyǵysyp, nátıjesinde oqıǵa ornynda «SNPS-Aıdan Munaı» AQ-nyń 1 jumyskeri jáne «SPMK» JShS 2 jumyskeri qaza tapty.
Oqıǵa ornynan «jedel járdem» qyzmeti joǵaryda atalǵan kompanııalardyńzardap shekken 8 jumyskerin qalalyq aýrýhanaǵa jetkizdi, olardyń ishinde aýrýhanaǵa barar jolda «SNPS-Aıdan Munaı» AQ-nyń 1 jumyskeri kóz jumdy, «SPMK» JShS-niń 1 jumyskeri aýrýhanada qaıtys boldy, «Bastaý-S» JShS-niń 1 jumyskeri reanımatsııa bólimshesine jatqyzyldy, «SNPS-Aıdan Munaı» AQ-nyń 1 jumyskeri ambýlatorııalyq em alý úshin úıine jiberildi, qalǵan 4 jumysker aýrýhanaǵa jatqyzyldy.
JKO saldarynan jalpy 5 adam qaza taýyp, 6 adam túrli jaraqat aldy.
QR Eńbek jáne halyqty áleýmettik qorǵaý mınıstrligi Qyzylorda oblysyndaǵy Qyzylorda-Qumkól tas jolynda oryn alǵan, nátıjesinde 5 adam qaza tapqan iri JKO-nyń mán-jaılaryn tekserý úshin komıssııa qurdy.
Tekserý nátıjeleri týraly qosymsha habarlanatyn bolady.
