Qyzylordada kóligine qaraquıryqtyń ushalaryn tıegender ustaldy

QYZYLORDA. QazAqparat - Qyzylorda oblysy Uıymdasqan qylmysqa qarsy kúres basqarmasy jedel-izdestirý sharalaryn júrgizý barysynda VAZ avtokóligimen qaraquıryqtyń ushasyn zańsyz tasymaldaǵan eki qala turǵynyn ustady, dep habarlaıdy QazAqparat polisia.kz telegram kanalyna silteme jasap.

Avtokólikti tekserý barysynda aıǵaqty zat retinde 3 qaraquıryqtyń ushasy tárkilendi. Atalǵan derekke qatysty QR QK-niń 339-babymen («Ósimdikterdiń nemese janýarlardyń sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan túrlerimen, olardyń bólikterimen nemese derıvattarymen zańsyz aınalysý») sotqa deıingi tergep-tekserý áreketteri júrgizilip jatyr.

Tıisti saraptamalar taǵaıyndaldy.