Qyzylordada kóligimen jasóspirim qyzdy qaǵyp, oqıǵa ornynan qashyp ketken júrgizýshisi ustaldy
Qyzylorda qalasyndaǵy Salamatov jáne Shymbaı kósheleriniń qıylysynda ornalasqan kópir astyndaǵy aınalma jolda belgisiz júrgizýshi joldy kesip ótpekshi bolǵan velosıpedtegi jasóspirim qyzdy qaǵyp ketken. Sodan keıin oqıǵa bolǵan jerden boı tasalaǵan.
«Jol-kólik oqıǵasy saldarynan jasóspirim qyz dene jaraqatyn alyp, aýrýhanaǵa jetkizildi. Atalǵan jol-kólik oqıǵasyna baılanysty Qyzylorda oblysy PD Jergilikti polıtsııa qyzmet basqarmasynyń izdestirý tobymen júrgizildi. Nátıjesinde, 46 jastaǵy «Kia Rio» úlgisindegi avtokólik júrgizýshisi ustaldy», dep málim etti Qyzylorda oblystyq polıtsııa departamentinen.
Vedomstvo málimetinshe, quqyq buzýshyǵa qatysty QR Ákimshilik quqyq buzýshylyq týraly kodeksiniń 610-babynyń 2-bóligimen jáne 611-babynyń 2-bóligimen ákimshilik hattamalar toltyrylǵan.
Eske salsaq, budan buryn eki jyl halyqaralyq izdeýde júrgen qyzylordalyq elordada ustaldy.
