Qyzylordada kóldiń ortasynan jaǵalaýǵa jete almaı qalǵan tórt adam qutqaryldy
QYZYLORDA. QazAqparat - Qyzylorda oblysynda motorly qaıyq aqaýynan kóldiń jaǵalaýyna jete almaı qalǵan tórt adam qutqaryldy, dep habarlaıdy QazAqparat tilshisi.
Oqıǵa 15 tamyzda caǵat 18-30 shamasynda Shıeli aýdany, Baıgequm aýylyndaǵy Hanqoja kólinde bolǵan. Dál sol ýaqytta tótenshe jaǵdaılar salasynyń mamandary kezekshilik jumystaryn atqaryp júrgen bolatyn.
«Kezekshilikti júrgizý barysynda mamandar kólde motorly qaıyqpen júzý kezinde qaıyqtyń aqaýynan ózderiniń kúshimen jaǵaǵa jete almaı qalǵan adam tórt adamdy anyqtady. Qutqarýshylar 1998, 2001, 2004, 2008 jylǵy azamattardy jaǵaǵa jetkizdi. Olarǵa psıhologııalyq kómek kórsetildi», - dep málim etti Qyzylorda oblystyq Tótenshe jaǵdaılar departamenti Órt sóndirý jáne avarııalyq-qutqarý jumystary qyzmetiniń baspasóz hatshysy Álııa Erejepova.
Eske salsaq, budan buryn Qyzylordada Syrdarııa jaǵalaýyna jete almaı qalǵan jasóspirim qutqaryldy.
