Qyzylordada kól jaǵasynda bas qosqan jeti jigittiń biri sýǵa ketti
Bul jóninde Qyzylorda oblystyq Tótenshe jaǵdaılar departamenti órt sóndirý jáne avarııalyq-qutqarý jumystary qyzmetinen málim etti.
«Oqıǵa oblys ortalyǵyndaǵy «PMK-29» saıajaıy aýmaǵyndaǵy Qalǵandarııa kólinde boldy. Sol aýmaqta jeti jigit bas qosqan. Olardyń biri shomylýǵa arnalmaǵan aýmaqta sýǵa túsken. Sýǵa túsý kezinde 1994 jyly týǵan jigit jaǵaǵa qaıta jete almaǵan»», - dedi vedomstvodan.
Ony izdestirýge oblystyq Tótenshe jaǵdaılar departamenti órt sóndirý qyzmeti jedel-qutqarý jasaǵynan 6 qutqarýshy qaıyqpen jáne arnaıy tehnıkamen keldi. Іzdeý barysynda marqumnyń denesi oqıǵa ornynan shamamen 30 metrdeı qashyqtyqtan 2 metr tereńdikten tabyldy.
Jyl basynan beri Qyzylorda oblysynda 17 adam sýǵa ketti. Onyń 7-eýi – bala.
Budan buryn Syrdarııaǵa batyp ketken qyz balanyń denesi tabylǵanyn jazǵan bolatynbyz.