Qyzylordada «Kóktem-2017» respýblıkalyq komandalyq- shtabtyq oqý-jattyǵýy ótti
QYZYLORDA. QazAqparat - Qyzylorda oblysy aýmaǵynda «2017 jylǵy kóktemgi sý tasqyny kezeńindegi tótenshe jaǵdaılardy joıý kezindegi is-qımyldarǵa azamattyq qorǵaý memlekettik júıesiniń basqarý organdaryn, kúshteri men quraldaryn daıarlaý» taqyrybynda «Kóktem-2017» respýblıkalyq komandalyq-shtabtyq oqý-jattyǵýy ótkizildi.
Bul týraly QazAqparat HAA tilshisi oblystyq TJD silteme jasap habarlady.
«Kóktem-2017» RKShOJ uıymdastyrýǵa QR ІІM TJK «Ońtústik óńirlik aeroutqyr jedel qutqarý jasaǵy», órt sóndirý jáne avarııalyq qutqarý qyzmeti, Apat medıtsınalyq ortalyǵy brıgadasy, sondaı-aq jergilikti AQ jáne TJ qurylymdary, qoǵamdyq tártipti saqtaý qyzmeti, QR Ulttyq ulany №5547 áskerı bólimi, oblystyq, qalalyq tótenshe jaǵdaılardyń aldyn alý men ony joıý komıssııasynyń tóraǵasy men músheleri, memlekettik organdar jáne aýdan ákimshiligi ókilderi qatystyryldy. Oqý-jattyǵý barysynda kóktemgi kezeńdegi sý tasqyny ýaqytynda kúshter men quraldardyń, sondaı-aq gıdrotehnıkalyq qurylǵylardyń, kóliktik kommýnıkatsııalardyń, qulaqtandyrý júıesiniń tótenshe jaǵdaılarǵa áreket etýi tekserildi.
Sý tasý kezeńine daıyndyq jáne oqý-jattyǵý úshin sý basý qaýpi bar aýmaqtardyń, sý ótkizý oryndarynyń, selge qarsy jáne basqa da ınjenerlik qurylǵy qorǵanysynyń, sýda júzý quraldarynyń sany naqtylandy. Janar-jaǵar maı, azyq-túlik, dári-dármek, palatkalar qory tolyqtyryldy. Aýdandyq jáne oblystyq ákimshilikterde táýliktik kezekshilik uıymdastyryldy. Ózenniń aǵysy turaqty baqylaýda boldy. Gıdrotehnıkalyq nysandardyń jaǵdaıy tekserildi, sý ótkizetin qurylǵylardyń, joldardyń qoqystan tazartylýy qadaǵalandy. Respýblıkalyq komandalyq-shtabtyq oqý-jattyǵý eki kezeńnen boldy. Birinshi kezeńde jaǵdaıdyń taldaýy, sheshim qabyldaý úshin usynystar, josparlaý nusqalary, kóktemgi kezeńdegi tótenshe jaǵdaıdy joıýdyń memlekettik júıesi daıyndaldy. Oqý-jattyǵý barysynda 2017 jyldyń 9 naýryzynda 11 saǵat 30 mınýt shamasynda Qyzylorda qalasy Astana dańǵylynda Qyzylorda oblysy TJD bastyǵy azamattyq qorǵaý polkovnıgi O. Berjanovtyń jáne Oblystyq jumyldyrý daıyndyǵy basqarmasynyń basshysy S. Sermaǵambetovtiń qatysýymen oblystyq azamattyq qorǵanys jáne avarııalyq qutqarý qurylymdary jáne kúsh-quraldarynyń daıyndyǵyn qaraý ótkizildi.
Jalaǵash aýdanynda Qyzylorda oblysy ákiminiń orynbasary S.Súleımenovtiń qatysýymen aýdandyq azamattyq qorǵanys jáne avarııalyq qutqarý qurylymdary jáne kúsh-quraldarynyń daıyndyǵyn qaraý uıymdastyryldy. Budan soń aýdandyq jáne oblystyq aktıvterdiń qatysýymen jedel jıyn ótkizildi.
Ekinshi kezeńde qutqarý jáne basqa da kezek kúttirmes jumystardyń júrgizilýi tájirıbe júzinde synaldy. Qyzylorda qalasy Talsýat eldi mekeninde avarııalyq qutqarý qurylymdary men kúsh-quraldarynyń daıyndyǵyn shyńdaý maqsatynda arnaıy taktıkalyq oqý-jattyǵý boldy. Sý tasqyny kezeńinde jáne eldi mekenge qaýip tóný jaǵdaıyna oraı tótenshe jaǵdaılar departamenti avarııalyq qutqarý bólimshelerinen 20 áreket etý qurylymdary, onyń ishinde 250 adam men 61 tehnıka birligi jasaqtaldy. Olar sý basý qaýpi bar eldi mekenderde áreket etý úshin daıyndyqta boldy.
10 naýryzda oblystyq ákimshiliktiń Jaǵdaılar ortalyǵynda Qyzylorda oblysy ákiminiń orynbasary S.Súleımenovtiń tóraǵalyǵymen aýdan ákimderin jáne oblystyq basqarma, departament basshylaryn qatystyra otyryp, jedel keńes ótkizildi. Oqý-jattyǵýdyń qorytyndysynda Qyzylorda oblysy ákiminiń orynbasary - oblystaǵy oqý-jattyǵýdyń basshysy S.Súleımenov shartty tótenshe jaǵdaıdy joıý is-sharalary kezinde jedel is-áreket jasaı bilgen qyzmetterdiń jumysyna oń baǵasyn berdi.
