Qyzylordada kókónis dúkeni órtke orandy

QYZYLORDA. QazAqparat - Búgin Qyzylorda oblysy Shıeli aýdanyndaǵy ortalyq bazarda ornalasqan kókónis dúkeni órtendi, dep habarlaıdy QazAqparat tilshisi.

Atalmysh oqıǵa 27 aqpanda 22.12 shamasynda boldy. Aýmaǵy 450 sharshy metr bolatyn dúkennen órt shyqqan. Oqıǵa ornyna Shıeli aýdandyq tótenshe jaǵdaılar bólimi jedel jetip, barlaý jumystaryn júrgizdi.

«Nátıjesinde aýmaǵy 450 sharshy metr bolatyn dúken tolyqtaı qyzyl jalynǵa oranyp janyp jatqany anyqtaldy. Órtti oqshaýlaýǵa órt sóndirý qyzmetinen 30 qyzmetker jáne 4 birlik avtokólik jumyldyryldy. Órt sóndirýshilerdiń birikken is-qımylynyń arqasynda tilsiz jaý oqshaýlandy. Zardap shekkender joq. Órttiń shyǵý sebebi men shyǵyny anyqtalý ústinde», - dep málim etti Qyzylorda oblystyq Tótenshe jaǵdaılar departamenti órt sóndirý jáne apattyq-qutqarý jumystary qyzmeti.

Budan buryn Qyzylordada kóp qabatty úıdegi órtten 47 adam evakýatsııalandy.