Qyzylordada kókónis alyp kele jatqan júk kóligi órtendi
Oqıǵa 13 aqpanda saǵat 22.00 shamasynda «Samara-Shymkent» tas jolynyń Jańaqorǵan aýdany Birlik aýyly tusynda bolǵan. Sol ýaqytta jergilikti órt sóndirý bólimshesine kókónis tıelgen «GAZel» júk kóligi janyp jatqany jóninde habar kelip túsken.
«Oqıǵa ornyna №14 órt sóndirý bóliminen 1 tehnıka men 4 qyzmetker saǵat 22.25-te barǵan. Júk kóliginiń aldyńǵy bóligin janyp jatqany anyqtaldy. Órt saǵat 22.40-ta tolyǵymen sóndirildi. Kókónistiń birshama bóligi aman. Boljam boıynsha órttiń shyǵý sebebi - elektr symdarynyń qysqa tuıyqtalýy. Órt kóliktiń qozǵaltqysh bóliginen bastap shyqqan», - dep málim etti Qyzylorda oblystyq Tótenshe jaǵdaılar departamenti Órt sóndirý jáne avarııalyq-qutqarý jumystary qyzmetiniń baspasóz hatshysy Álııa Erejepova.
Eske salsaq, Qyzylorda oblysynda jyl basynan beri 8 órt oqıǵasy tirkelgen.
