Qyzylordada qoǵamdyq oryndardyń jumysy shekteldi

QYZYLORDA. QazAqparat - Qyzylorda qalasynda kólikter qozǵalysy men qoǵamdyq oryndardyń jumysyna shekteý qoıyldy. Bul jóninde oblystyń bas memlekettik sanıtar dárigeri Álııa Ábdiqaıymova arnaıy qaýly shyǵardy, dep habarlaıdy QazAqparat tilshisi.

Oblystyq taýarlar men kórsetiletin qyzmetterdiń sapasy men qaýipsizdigin baqylaý departamentiniń habarlaýynsha , qaladaǵy kólikter qozǵalysy men qoǵamdyq-kópshilik oryndardyń jumysyna shekteý qoıylǵan.

Qyzylorda qalasynyń avtovokzaly men rettelmeıtin avtoturaqtardan júretin oblysaralyq, qalaaralyq, aýdanaralyq avtobýstar, shaǵyn avtobýstar, taksıler jáne ózge de avtokólikpen jolaýshy tasymaldaý 30 naýryzda saǵat 00.00-den bastap toqtatylady. Sondaı-aq, dál osy ýaqyttan oblys ortalyǵyndaǵy saıabaqtar, saýnalar men massaj bólmeleri, bılıard bólmeleri, ınternet klýbtar, oıyn bólmeleri, boýlıng ortalyqtary, býkmekerler, sporttyq keshender (úıirmeler, sektsııalar), fýtbol alańdary, balalardyń damý ortalyqtary jáne basqa da halyq kóp shoǵyrlanǵan nysandardyń jumysy toqtatylady.

Al avtokólik, kıim-keshek, mal bazarlary, toıhanalar, toı salondary, banket zaldary jáne úı jaǵdaıynda ótkiziletin barlyq merekelik, dástúrlik (ózge ulttardyń ata-analar kúni, quran oqytý t.b.) is-sharalarǵa da shekteý qoıyldy.

Qyzylordada 28 naýryzda koronavırýs juqtyrǵan alǵashqy adam tirkelse, 29 naýryzda ol naýqaspen qarym-qatynasta bolǵan medbıkeden de sol dıagnoz naqtylandy. Búgin óńirde koronavırýs juqtyrǵan taǵy úsh adam anyqtaldy.