Qyzylordada qoǵamdyq kólikterde burynǵy baǵa saqtalatyn boldy

QYZYLORDA. QazAqparat - Qyzylordada 1 qyrkúıekten bastap «Tsıfrlyq Qazaqstan» memlekettik baǵdarlamasy aıasynda qoǵamdyq kólik jolaqysy elektrondyq tólem júıesine aýystyrý kózdelgen. Onda qolma-qol jáne elektrondyq tólemge ortaq baǵa 90 teńge bolyp belgilendi, dep habarlaıdy QazAqparat tilshisi.

Alǵashqyda qolma 1 qyrkúıekten bastap qolma qol tólem júıesi 120 teńge bolyp bekitilgen edi. Al elektrondyq tólem arqyly jolaýshylar 90 teńge tóleıdi dep sheshildi.

«Bul saralanǵan tarıf azamattardy kólik kartasyn paıdalanýǵa yntalandyrý maqsatynda qoıyldy. Alaıda jergilikti turǵyndar ótinishi eskerilip, usynystary tyńdaldy. Nátıjesinde elektrondy nemese qolma qol tólem jasaýshylar úshin de ortaq baǵa 90 teńge bolyp saqtalatyn boldy. Sol tarıfti ózgerissiz qaldyrýǵa sheshim qabyldadyq. Elektrondyq tólem júıesine ótý - zaman talaby. Sol sebepti jol aqysyn elektrondy tóleýge usynylǵan 8 túrli tólem jasaý tetigi damytylady. Bul júıege aýysý 1 qyrkúıekten bastap kezeń-kezeńimen jalǵasady», - dep málim etti Qyzylorda qalasynyń ákimdiginen.

Eske sala ketsek, bıyl Qyzylorda qalasynda 14 shaqyrym jylý júıesi qaıta jańǵyrtyldy.