Qyzylordada qoǵamdyq kóliktegi analar men qyz-kelinshekterge gúl syılandy (FOTO)
ASTANA. QazAqparat - Qyzylorda qalasynyń ákimdigi men «Qyzylorda avtobýs parki» birlesip qaladaǵy túrli baǵyta qatynaıtyn birqatar qoǵamdyq kólikterde, 8 naýryz - Halyqaralyq áıelder kúni merekesine oraı analarymyz ben qyz-kelinshekterge merekelik kóńil-kúı syılaý maqsatynda gúl shoqtaryn taratty. Bul týraly qala ákimdiginiń Feısbýktegi resmı paraqshasynda jazyldy.
«Qoǵamdyq kólikterge mingen analarymyz ben arýlarymyz: «Jyl saıyn uıymdastyrylatyn shara bolsa da, biz úshin ár kez erekshe qýanysh, kórsetken qurmetterińiz úshin úlken rahmet» - dep, uıymdastyrýshylarǵa alǵystaryn jetkizip jatty», delingen habarlamada.
Jalpy Qyzylorda qalasynda jyl saıyn uıymdastyrylyp otyratyn bul shara, bıylǵy jyly da 7-8 naýryz kúnderi jalǵasady.
