Qyzylordada qoǵamdyq keńes músheleriniń forýmy ótti
QYZYLORDA. QazAqparat - Qyzylorda qalasyndaǵy «Dostyq úıinde» oblystaǵy qoǵamdyq keńes músheleriniń forýmy ótti, dep habarlaıdy QazAqparat tilshisi.
Oǵan oblys ákiminiń orynbasary Rýslan Rústemov, QR Parlamenti Májilisiniń depýtaty Balaıym Kesebaeva qatysty. Sondaı-aq, oblystyq máslıhat, Qazaqstan Respýblıkasynyń Memlekettik qyzmet isteri jáne sybaılas jemqorlyqqa qarsy is-qımyl agenttiginiń oblys boıynsha departament basshylary da óz oı-pikirlerin ortaǵa saldy.
«Ult jospary aıasynda qolǵa alynǵan qoǵamdyq keńes Elbasynyń tikeleı tapsyrmasymen quryldy. Bul uıym qoǵamda óziniń mańyzdylyǵyn kórsetti. Sebebi, qoǵamdyq keńes - atqarýshy bılik pen buqara halyqty nyǵaıtýǵa dáneker. ıAǵnı, bıliktiń halyq aldyndaǵy jaýapkershiligin kúsheıtýmen birge eldiń senimin qalyptastyrady. Qazirgi sátte aldymyzda atalǵan uıymnyń jumysyn zamanaýı turǵyda júrgizý mindeti tur. Osy turǵyda qoǵamnyń pikirin eskere otyryp, birlese jumys jasasaq, isimizdiń nátıjeli bolatyny sózsiz», - dedi R. Rústemuly.
«Qoǵamdyq keńes» týraly qabyldanǵan Zańnyń mańyzdylyǵyn sóz etken májilis depýtaty B.Kesebaeva qazirgi tańdaǵy qoǵamdyq keńestiń bılik pen halyqty, túrli sala ókilderin biriktiretin basty mehanızm ekenin basa aıtty.
Basqosý sońynda forýmǵa qatysýshylardyń usynys-pikirleri tyńdalyp, sybaılas jemqorlyqqa qarsy Úndeý oqyldy. Óńirimizde alǵash ret ótkizilgen forýmda oblystyq Qoǵamdyq keńes aldaǵy ýaqytta sybaılas jemqorlyqqa qarsy is-qımyl jumystaryn barynsha kúsheıtip, onymen kúresýde birlese is-shara qabyldaýǵa ýaǵdalasty.
