Qyzylordada kógaldandyrý qarqyndy júrip jatyr
Eldi mekenderde sanıtarlyq tazartý, kórkeıtý jáne kógaldandyrý sharalaryn ótkizý maqsatynda oblys aýmaǵynda klımattyq jaǵdaıǵa baılanysty Aral, Qazaly, Qarmaqshy aýdandarynda 2023 jyldyń 18 naýryzy men 20 mamyry aralyǵynda, ózge aýdandar men Qyzylorda qalasynda 4 naýryz ben 6 mamyr aralyǵynda senbilik sharalarynyń eki aılyǵy jarııalandy.
Eki aıǵa jarııalanǵan senbilik sharalary aımaq basshysynyń, zııaly qaýym ókilderiniń, mekemeler men kásiporyndar qyzmetkerleriniń, jastardyń, eriktilerdiń jáne qoǵam belsendileriniń qatysýymen «Naýryz jańarý», «Taza tabıǵat», «Tabıǵatqa qurmet - otbasydan bastalady!», «Tal egý saýapty is» syndy taqyryptarda apta saıyn uıymdastyrylyp ótkizilip keledi.
Bıyl josparǵa sáıkes, eldi mekenderdi kógaldandyrý boıynsha oblystyń klımattyq jaǵdaıyna beıimdelgen 100 myńǵa jýyq butaly aǵashtar otyrǵyzý josparlansa, búginde onyń 52 560 danasy otyrǵyzylǵan.
Sonyń ishinde, Qyzylorda qalasynyń ózine kórkeıtý-kógaldandyrý maqsatynda jergilikti bıýdjetten 10,7 mln. teńge bólinip, kósheler boıyna, skver-alleıalarǵa, aıaq sý baratyn aýmaqtarǵa 7000 túp (qara tal, syr taly, terek, klen, týıa) kóshet egilýde.
Tazalyq aktsııasy bastalǵaly beri sharaǵa 6 myńǵa jýyq qala turǵyny jáne 4 myńnan astam mekeme qyzmetkeri qatysyp, 317 tehnıka jumyldyryldy, osy arqyly 852 tonna qoqys qaldyqtary shyǵarylyp, aryqtar arshylyp, kósheler tazartyldy.
Ótken jyly qalada jáne oǵan qarasty eldi mekenderde barlyǵy 33 jerasty sý uńǵymasy qazylyp, sý jiberildi. Tehnıkalyq sý jınaý uńǵymasy arqyly 80 metr tereńdikten sý shyǵaryldy. Osy ıgilikti is bıyl da jalǵasyn tabýda. ıAǵnı, aldaǵy kúnderi taǵy 14 tehnıkalyq sý uńǵymasy qazylyp, sýdy qajet etetin aýmaqtarǵa sý jiberiletin bolady.
Budan bólek, Memleket basshysynyń Aral teńiziniń qurǵaǵan ultanynda aldaǵy 5 jyl ishinde 1,1 mln ga, jerge sekseýil egý tapsyrmasyna sáıkes, 2021-2022 jyldary jyly 351 myń ga. fıtoormanmelıoratsııalyq jumystary atqarylǵan bolsa, bıylǵy jyly da 250 myń ga. jerge sekseýil aǵashy egilip jatyr.
Sonymen qatar, Dúnıejúzilik banktiń qaıtarymsyz qarjysy esebinen júzege asatyn «Qazaqstan landshaftaryn qalpyna keltirý jónindegi» jobasy aıasynda Qyzylorda-Jezqazǵan avtojolynyń boıynda 3 myń ga. alańda Jasyl aımaq qurý jumystary júrgizildi.
Oblys ortalyǵynda 60 shaqyrymǵa jýyq aryq júıesi bar. Bul qalanyń 70 paıyzyn quraıdy. Aryq júıelerin qaıta qalpyna keltirý, jańa aryqtar arshýǵa úsh jyldyq jospar quryldy.
Sanıtarlyq tazartý, kórkeıtý – kógaldandyrý jáne abattandyrý sharalary jalǵasýda.
Aıta ketý kerek, oblys kólemindegi joǵaryda atalǵan abattandyrý, sanıtarlyq tazartý, kórkeıtý jáne kógaldandyrý baǵytyndaǵy sharalar tikeleı oblys ákiminiń baqylaýyna alynyp, júzege asyrylýda.
