Qyzylordada kógaldaǵy hokkeıden el birinshiligi máresine jetti
QYZYLORDA. QazAqparat - Qyzylorda qalasynda kógaldaǵy hokkeıden erler jáne áıelder, jasóspirim uldar men qyzdar arasynda el birinshiliginiń úshinshi jáne tórtinshi aınalymy máresine jetti, dep habarlaıdy QazAqparat tilshisi.
Erler arasynda jarys barysynda 68 upaıdy qorjynǵa salǵan qyzylordalyq «Qaısar» el chempıony atandy. Úzdik úshtikke Jambyl jáne Batys Qazaqstan oblysynyń komandalary ilikti. Áıelder arasynda da jergilikti «Qaısar» bas báıgeni eshkimge bergen joq. Olardyń enshisinde 37 upaı bar. Oral jáne Tarazdan kelgen kógaldaǵy hokkeıshiler de júldegerler qatarynan kórindi.
2003 jyly jáne odan tómengi jasóspirim uldar arasynda Qyzylorda oblysy Syrdarııa aýdanynan kelgen sportshylar joǵary bıikten kórindi. Jambyl oblysy men Qazaly aýdany komandalary jeńimpazdar tuǵyryna kóterildi. Al osy jastaǵy jasóspirim qyzdar arasynda Jambyl oblysy Qarataý qalasynyń komandasy altynnan alqa taqty. Al Jambyl oblysy men Batys Qazaqstan oblysynan kelgen komandalar úzdik úshtikti túıindedi.
Birqatar oıynshylar óz shepterine úzdikter sanaldy. Qyzylorda oblysynyń komandalaryn jarysqa kógaldaǵy hokkeıden QR eńbek sińirgen jattyqtyrýshysy Sultanbek Qoblandın daıyndady.
Biz budan buryn Qyzylorda qalasynda kógaldaǵy hokkeıden el birinshiligi bastalǵanyn habarlaǵan edik.
