Qyzylordada qobyzshylar ansambli qurylmaq
QYZYLORDA. QazAqparat - Qyzylorda oblsynda aldaǵy ýaqytta qobyzshylar ansamblin qurý josparlanyp otyr, dep habarlaıdy QazAqparat tilshisi.
Ata Turmaǵambet atyndaǵy halyq aspaptary orkestriniń jáne Aqmeshit folklorlyq etnografııalyq ansambliniń ártisi Toqtar Aǵyraev bildirip, oblys ákiminiń blogyna «Syr óńirinde qobyz úıirmesi ashylsa» degen saýal joldaǵan edi.
Oǵan tıisti jaýap qaıtarylǵan. Búgingi tańda Qyzylorda qalasy men oblystyń barlyq aýdanynda qobyz úıirmeleri jumys jasap jatqany aıtylǵan. Syr óńiriniń aýdandyq mádenıet úıleri men klýb kásiporyndarynda barlyǵy 14 qobyz úıirmesi jas órenderge tálim berip otyr. Bul jumystar 2017-2018 jyldarda qolǵa alynyp otyr.
«Bul sharalar Elbasynyń «Bolashaqqa baǵdar: rýhanı jańǵyrý» baǵdarlamalyq maqalasy aıasynda Qorqyt Ata muralaryn nasıhattaý, qobyzdyń únin urpaq sanasyna sińirý maqsatynda júzege asyrylýda. Aldaǵy ýaqytta óńirimizde «Qobyzshylar ansamblin» qurý, mádenıet úıleri men klýbtarda Qobyz úıirmeleriniń sanyn arttyrý baǵytynda jumystar júrgiziletin bolady», - delingen atalǵan saýalǵa berilgen jaýapta.
Aldaǵy ýaqytta Qyzylordada Qobyz kúni atap ótilýi múmkin.
Sondaı-aq, bıyl qobyzdyń atasy snalatyn «Qorqyt ata» murasy ıÝNESKO-nyń materıaldyq emes muralary tizimine engizildi.
