Qyzylordada qobyzshylar ansambli quryldy
Bul shara Qorqyt muralaryn nasıhattaýǵa arnalǵan 5 jyldyq keshendi is-sharalar jospary aıasynda qolǵa alynǵan. Ansambl Qyzylorda oblystyq fılarmonııasyn janynan quryldy.
Bıylǵy jyldyń qańtar aıynda oblystyq fılarmonııasy kórkemdik keńesiniń tyńdaýy ótkizildi. Ansambl aqpan aıynyń alǵashqy kúninen óz jumysyn bastap ketti. Ansambldiń kórkemdik jetekshisi – «Mádenıet salasynyń úzdigi» tósbelgisiniń ıegeri, qobyzshy Saltanat Pusyrmanova.
Bul jóninde Turmaǵambet atyndaǵy halyq aspaptary orkestriniń jáne Aqmeshit folklorlyq etnografııalyq ansambliniń ártisi Toqtar Aǵyraev byltyr oblys ákiminiń blogyna «Syr óńirinde qobyz úıirmesi ashylsa» degen saýal joldaǵan edi. Oǵan tıisti jaýap qaıtarylǵan. Búgingi tańda Qyzylorda qalasy men oblystyń barlyq aýdanynda qobyz úıirmeleri jumys istep keledi. Syr óńiriniń aýdandyq mádenıet úıleri men klýb kásiporyndarynda barlyǵy 14 qobyz úıirmesi jas órenderge tálim berip otyr.
Sondaı-aq, aldaǵy ýaqytta Syr óńirinde Qobyz kúnin atap ótý josparlanyp otyr.
Ol jóninde tıisti is-sharalar qolǵa alynýda.