Qyzylordada kóbelek kóbeıip ketti
Atalmysh jándikten tabıǵatqa keletin zalal bar ma? Kóbelekter Syr óńirine qaıdan keldi?
Osy oraıda «Respýblıkalyq fıtosanıtarııalyq dıagonostıka jáne boljamdar ádistemelik ortalyǵy» memlekettik mekemesiniń agronom-entomolog mamany Asylhan Tosqynbaıuly odan qorqatyn eshteńe joq ekenin málim etti.
«Ony oshaǵanshy (repeınıtsa) kóbelegi dep ataıdy. Ol dalalyq sanatyna jatqyzylady. Kóbelektiń atalmysh túri Qyzylorda oblysynyń eki shetindegi Aral jáne Jańaqorǵan aýdandarynan ózgesinde baıqalyp otyr. Ol Qyzylqum betkeıinen keldi degen boljam bar. Bul kóbelek myńjapyraq, túıetiken, saryqalýen, aqbasty jýsan jáne keıbir aǵashtyń japyraqtarymen qorektenedi. Oshaǵanshy kóbelegi tabıǵatqa zııansyz. Dese de, onyń qurttary aýyl sharýashylyǵyna zııan alyp kelýi múmkin. Qazir bul kóbelekter bizdiń óńirde qorek izdep júr. Olardyń qonystaný merzimi sáýir men qazan aılarynyń aralyǵyn qamtıdy», - dedi Asylhan Tosqynbaıuly.
Kóbelekter jumyrtqa salyp turaqtap qalǵan jaǵdaıda keıbir jemis aǵashtary men gúlder zııan shegýi múmkin. Sondyqtan bul baǵytta tıisti oryndarǵa usynys hattar joldanǵan.
Qazir Qyzylorda oblysynda ylǵaldy-jeldi aýa raıy saqtalyp otyr. Aldaǵy ýaqytta aımaqta aptap ystyq bolyp jatsa, olardyń basqa jaqqa qonys aýdarýy ǵajap emes.