Qyzylordada kisi óltirgeni úshin halyqaralyq izdeýde júrgen kúdikti qolǵa tústi
Qyzylorda oblysy polıtsııa departamenti uıymdasqan qylmysqa kúres basqarmasynyń qyzmetkerleri 19 qyrkúıekte jedel-izdestirý jumystaryn júrgizdi.
Atalǵan shara barysynda QR Qylmystyq kodeksiniń 99-baby 2-bóliginiń 11-tarmaǵymen kúdikke ilingen qyzylordalyq turǵyn qolǵa tústi.
«Ol 2021 jyldan beri tergeýden boı tasalap, halyqaralyq izdeýde júrgen edi. Oǵan qatysty kúzetpen ustaý túrindegi bultartpaý sharasy sanktsııalanǵan. Jedel ýákilder kúdiktini qala aýmaǵyndaǵy jaldamaly páterdiń birinde jasyrynyp jatqan jerinen ustaldy. Ol Qyzylorda qalalyq polıtsııa basqarmasy ýaqytsha ustaý ızolıatoryna qamaýǵa alyndy», - dep málim etti Qyzylorda oblystyq polıtsııa basqarmasynan.
Eske sala ketsek, budan buryn Baıqońyrda ekstremıstik baǵyttaǵy materıaldardy taratqan turǵyn ustaldy.
