Qyzylordada kıik múıizin zańsyz saqtaǵan 2 adam ustaldy
QYZYLORDA. QazAqparat - Ekologııalyq qylmystar anyqtaý maqsatynda júrgizilgen reıdtik sholý jumystary barysynda 2 azamat quryqtaldy, dep habarlaıdy oblystyq ІІD-niń baspasóz qyzmeti.
22 sáýirde Tabıǵatty qorǵaý polıtsııa qyzmetkerleri ekologııalyq qylmystarǵa qarsy jedel jumystardy júrgizý barysynda 8 dana kıik múıizin saqtap júrgen 37 jasar qala turǵynyn ustady. Múıizder aıǵaq zat retinde tárkilendi, qazir tıisti tekserý jumystary júrgizilýde.
Dál osyndaı derek 20 sáýir kúni de tirkelgen bolatyn. Syrdarııa aýdandyq ІІB qyzmetkerleri reıdtik sholý jumystary barysynda Qyzylorda-Qumkól jolynda kıik múıizin alyp kele jatqan 41 jasar Jalaǵash aýdanynyń turǵynyn anyqtap, sómkesinen 2 kıik múıizin tárkiledi.
Qazirgi tańda 2 derek boıynsha QR QK-niń 339-baby boıynsha (ósimdikterdiń nemese janýarlardyń sırek kezdesetin jáne quryp ketý qaýpi tóngen túrlerin, olardyń bólikterin nemese derıvattaryn zańsyz alý, ıemdený, saqtaý, ótkizý, ákelý, áketý, salyp jiberý, tasymaldaý nemese joıý) sotqa deıingi tergep-tekserý amaldary júrgizilýde.
Ustalǵan azamattardyń kinási tolyǵymen dáleldense, olar 3 myń AEK mólsherde aıyppul salynady nemese úsh jylǵa deıingi merzimge bas bostandyǵynan aıyrýǵa jazalanady.
