Qyzylordada kıik atqandar ustaldy
QR Іshki ister mınıstrliginiń Baıqońyr qalasyndaǵy ókildiginiń qyzmetkerleri túngi ýaqytta Tóretam kentinen «Batys Qytaı – Batys Eýropa» tas jolyna shyǵatyn jolda «Lada Largýs» markaly avtokóligin toqtatty. Tekserý barysynda avtokóliktiń júksalǵyshynan 4 kıiktiń ushasy tabyldy. Júksalǵyshtan odan basqa 1 qoıan jáne 2 dana 12 kalıbrli ańshy myltyǵy men oq dárileri aıǵaq zat retinde alyndy.
«Kıik atqan eki kúdiktige qatysty QR Qylmystyq kodeksiniń 339-baby 2-bóliginiń 2-tarmaǵymen sotqa deıingi tergep-tekserý amaldary júrgizilýde. Olarǵa qatysty bultartpaý sharasy máselesi sheshilýde. Barlyq qajetti saraptamalar taǵaıyndaldy. Polıtseıler oqıǵanyń mán-jaıyn anyqtaýda», - dep málim etti Qyzylorda oblysy Polıtsııa departamentiniń baspasóz qyzmeti.
Sondaı-aq, Qyzylordada birneshe márte páter urlyǵyn jasaǵan turǵyndar ustaldy.