Qyzylordada ken ornyndaǵy órtke qatysty jańa derekter belgili boldy
NUR-SULTAN. QazAqparat - Qyzylordada ken ornyndaǵy órtten 3 adamnyń qaza bolýyna baılanysty jańa derekter belgili boldy, dep habarlaıdy QazAqparat tilshisi.
Esterińizge sala ketelik, 1 jeltoqsanda ken ornynda jataqhana órtenip, 3 jumysshy kóz jumdy. Jumysshylarǵa arnalǵan konteıner tıpti jataqhanadan shyqqan jalyn 1450 sharshy metr aýmaqty sharpyǵan.
Málim bolǵanyndaı, jumysshylar eńbek etetin kompanııa qyrkúıek aıynda jumysyn bastaǵan. Qaza bolǵan adamdardyń 2-eýi Qyzylorda qalasynda turǵan bolsa, 1-eýi Syrdarııa aýdanynyń turǵyny. Olardyń 2-eýi er, 1-eýi áıel adam.
«Órt qaýipsizdigi saqtalmaǵany úshin qylmystyq is qozǵaldy. ıAǵnı, QR Qylmystyq kodeksiniń 292-babynyń 3-bóligi boıynsha sotqa deıingi tergep-tekserý jumystary júrgizilýde. Atalǵan is boıynsha saraptamalar taǵaıyndaldy», - dedi Qyzylorda oblystyq polıtsııa departamenti tergeý basqarmasynyń bastyǵy Ábdibek Janazarov.
