Qyzylordada «Qazaqstannyń úzdik taýary» baıqaýynyń jeńimpazdary anyqtaldy
QYZYLORDA. QazAqparat - Syr óńirinde Qyzylorda oblysynyń ákimdigi men Kásipkerler palatasynyń uıymdastyrýmen «Qazaqstannyń úzdik taýary» atty oblystyq kórme-baıqaýy ótti, dep habarlaıdy atameken.kz.
Bıyl kórme-baıqaýǵa 34 kásipker qatysty. Jyl ótken saıyn kásipkerler baıqaýǵa qatysýǵa belsendiligi artyp keledi. Kásipkerlerdiń arasynda ótken jyly ǵana «Bastaý» jobasyna qatysyp, bilimin jetildirip, kásibin ashqan jandar bar. Olar alǵan biliminen nátıje kórsetip, ónimderin halyqqa usynýda.
«Qazaqstannyń úzdik taýary» kórme-baıqaýyn uıymdastyrýda bıylǵy jyly aıtarlyqtaı ózgerister bar. Máselen, bıylǵy jyldan bastap sharany ótkizýdi oblys ákimdigi qarjylandyrýda.
Oblystyq kórme-baıqaý jeńimpazdary osy jyldyń qazan aıynda Astana qalasynda ótetin respýblıkalyq kórme-baıqaýǵa qatysady. Bıyl respýblıkalyq baıqaý jeńimpazdaryn anyqtaý quraldarynyń biri retinde onlaın-daýys berý júıesi engizilýde.
