Qyzylordada qazaq kúresinen ótetin saıysta «Syr Barysy» ataǵynyń ıegeri anyqtalady
QYZYLORDA. QazAqparat - 30 sáýir kúni «Eýrazııa» sport kesheninde QR Táýelsizdiginiń 25 jyldyǵyna arnalǵan qazaq kúresinen oblystyq «Altyn belbeý» aqtyq saıysy bastalady. Oǵan Qyzylorda qalasy men aýdandardan 8 komanda qatysady.
Oblystyq dene shynyqtyrý jáne sport basqarmasynyń baspasóz qyzmetiniń habarlaýynsha, qazaq kúresinen «Túıe palýan» atanǵan sportshy «Syr Barysy» ataǵyn ıelenip, oǵan «Altyn belbeý» taǵylady.
Bul synnan iriktelip shyqqan sportshylar 3 shildede Astana qalasynda ótetin «Qazaqstan barysy» týrnırinde QR Prezıdenti júldesin sarapqa salady.
Jarystyń saltanatty ashylýy saǵat 10.00-de, aqtyq beldesýler 10.30-da, «Túıe palýandar» saıysy 13.00-de.
Jarys sońynda jankúıerlerge arnalǵan baǵaly júldelerimen utys oıyndary oınatylady.
