Qyzylordada qazaq qalamgerleriniń shyǵarmalary jınaqtalǵan toptamalar shyqty
QYZYLORDA. QazAqparat - Qyzylorda oblysynda qazaq qalamgerleriniń shyǵarmalary jınaqtalǵan on tomdyq áńgimeler toptamasy jaryqqa shyqty, dep habarlaıdy QazAqparat tilshisi.
Atalmysh áńgimeler toptamasynda Sábıt Muqanov, Іlııas Esenberlın, Ábdijámil Nurpeıisov, Ábish Kekilbaev, Dúkenbaı Dosjan, Sultanáli Balǵabaev syndy qalamgerlerdiń 10 shyǵarmasy qamtylǵan. Ol «Qyzyqty áńgimeler jınaǵy» dep atalady.
Bul toptamany shyǵarýǵa oblystyq tilderdi oqytý ortalyǵy uıytqy boldy. Ortalyq atqarýshy organdarda qyzmet etetin azamattarǵa qazaq tili kýrstaryn uıymdastyrady. Áńgimeler toptamasy til úırenip júrgen azamattarǵa kómekshi qural retinde paıdalanylady.
«Qazir atalmysh toptamanyń taralymyn kóbeıtýge jumys jasaý ústindemiz. Ázirge bul ortalyqtyń óz ıdeıasy negizinde júzege asyp keledi. Endigi kezekte tıisti mekemelerge usynys berip otyrmyz. Áńgimeler toptamasynyń kórkemdik deńgeıin kóterýge, ıllıýstratsııa jaǵyn jetildirýge nazar aýdardyq», - dedi Qyzylorda oblystyq tilderdi oqytý ortalyǵynyń bólim basshysy Ásel Baqytova.
Aldaǵy ýaqytta árbir shyǵarmaǵa sýretter salynyp, ol grafıka jáne jıvopıspen bezendiriledi degen jospar bar. Keleshekte bul baǵytta keshendi sharalar júzege aspaqshy.
