Qyzylordada qaıyrymdylyq jasaýshylar men metsenattardyń oblystyq forýmy ótti
QYZYLORDA. QazAqparat - QR Táýelsizdigi merekesi qarsańynda Qyzylordada qaıyrymdylyq jasaýshylar men metsenattardyń oblystyq forýmy ótti, dep habarlaıdy QazAqparat tilshisi.
Atalmysh forým sońǵy jyldary turaqty túrde ótkizilip keledi. Ol dástúrli sharaǵa aınalyp, bıyl ekinshi márte qolǵa alynyp otyr.
Oǵan Syr óńirinde qaıyrymdy ispen aınalysyp, kómek qolyn sozyp júrgen azamattar qatysty. Forým - ıgi isti nasıhattap, kópke úlgi bolǵan azamattardy qoldaý, odan ári qoǵamnyi damýyna jańa ekpin berý maqsatynda ótkizildi.
Oblystyq forým barysynda oblys ákiminiń orynbasary Rýslan Rústemov, qaıyrymdylyq jasaýshy 8 birdeı jomart jandy Alǵys hatpen marapattady. Olardyń qatarynda Syrdarııa aýdanyndaǵy «Besaryq» JShS tóraǵasy Dáýlet Sársenbaev, Jańaqorǵan aýdanyndaǵy «Yntymaq» JShS dırektory Raqym Qutybaev, «Iman-Ihsan» qoǵamdyq qorynyń tóraǵasy Sábıt Aralbaev, jeke kásipkerler Dýman Nurylla, Almat Súleımenov, Aqshagúl Maqatova, «SMP-Qyzylorda» JShS dırektory Temirhan Álimqulov bar.
Esterińizge sala ketelik, budan buryn «SMP-Qyzylorda» JShS dırektory Temirhan Álimqulovtyń qaıyrymdylyq isi jaıynda habarlaǵan edik.
Ol áleýmettik jaǵynan muqtaj otbasylarǵa páter syılady.
