Qyzylordada qaýyn-qarbyz tıelgen júk kóligi túgi qalmaı janyp ketti

QYZYLORDA. QazAqparat - Qyzylorda oblysynda baqsha ónimderin tıegen júk kóligi tolyǵymen janyp ketti, dep habarlaıdy QazAqparat tilshisi.

Oqıǵa Jańaqorǵan aýdany ortalyǵyna jaqyn tustaǵy Samara-Shymkent tas jolynyń boıynda boldy. Qaýyn-qarbyz tıegen «Gazel» markaly avtokólik qujattarmen birge tolyq janyp ketken.

Oqıǵa ornynda N14 órt bóliminen 4 qyzmetker men 1 avtokólik bardy. Sala mamandarynyń kúshimen órt tolyqtaı sóndirildi. Qaza bolǵandar men zardap shekkender joq.

Eske salsaq, budan buryn Qyzylordada gaz ballony jarylyp, eki adamdy kúıik shaldy. Oqıǵa barysynda úıdiń ıesi 55 jastaǵy áıel adamnyń denesiniń 80 paıyzyn, alty jasar qyz balanyń denesiniń 50 paıyzyn kúıik shalǵan.