Qyzylordada qatty jeldiń áserinen birneshe aýyl jaryqsyz qaldy
QYZYLORDA. QazAqparat - Qyzylorda oblysynda qatty jeldiń áserinen birneshe aýyl jaryqsyz qaldy. Birneshe áleýmettik nysannyń shatyry ushyp ketti, dep habarlaıdy QazAqparat tilshisi oblystyq jumyldyrý basqarmasyna silteme jasap.
Alǵashqysy Jańaqorǵan aýdanynda oryn aldy. Búgin,24 naýryzda saǵat 11.30 shamasynda Shalqııa kentindegi №86 orta mektebiniń shatyry ushqan. Shatyrdyń zaqymdanǵan aýdany 350-400 sharshy metrdi quraıdy.
«Sondaı-aq, kenttiń 2 elektr baǵanasy kulaǵan. Nátıjesinde Shalqııa kenti, Qyrash, Qosúıeńki, Birlik, Quttyqoja jáne Ekpindi eldi mekenderiniń elektrmen jaryǵymen jabdyqtalýy toqtatyldy. Adam shyǵyndary men zardap shekkender joq. Qalpyna keltirý jumystary júrgizilýde.
Al taǵy bir oqıǵa Jalaǵash aýdanynda boldy. Qatty jeldiń áserinen aýdan ortalyǵyndaǵy mádenıet úıiniń shatyry ushyp ketken. Bul 12 saǵat 30 mınýt shamasynda oryn aldy. Shatardyń 230 sharshy metr aýmaǵyna zııan keldi. Adam shyǵyn men zardap shekkender joq», - dep málim etti Qyzylorda oblystyq jumyldyrý basqarmasy.
Oblystyq tótenshe jaǵdaılar departamenti 25 naýryzda sekýndyna 15-28 metrge deıin jel soǵatynyn habarlady.
Budan buryn Qyzylordada ýnıversıtet ǵımaratynyń shatyry ushyp ketkenin habarlaǵan edik.
