Qyzylordada qatty jelden taǵy bir mekteptiń shatyry ushyp ketti

QYZYLORDA. QazAqparat - Qyzylorda oblysynda qatty jeldiń áserinen taǵy bir mekteptiń shatyry ushyp ketti, dep habarlaıdy QazAqparat tilshisi.

Oblystyq jumyldyrý basqarmasynyń málimetinshe bul oqıǵa Jańaqorǵan aýdanyna qarasty Qosúıeńki aýylynda oryn alǵan. Aýyldaǵy №161 orta mekteptiń shatyry 150 sharshy metr aýmaqta búlingen. Bul jaǵdaı keshe keshkisin oryn alǵan.

«Oqıǵa ornyna mamandar arnaıy tehnıkamen baryp kórdi. Qaıtys bolǵandar jáne zardap shekkender joq», - dep málim etti vedomstvodan.

Sońǵy eki kúnde Qyzylorda oblysynda qatty jel soǵyp tur. Oblystyq tótenshe jaǵdaılar departamenti 25 naýryzda sekýndyna 15-28 metrge deıin jel soǵatynyn habarlady.

Sondaı-aq, keshe Qyzylorda qalasyndaǵy ýnıversıtet ǵımaratynyń shatyry ushyp ketti .

Qatty jeldiń áserinen Qyzylorda oblysynda bir mekteptiń shatyry ushyp ketti. Elektr baǵanasy qulap, birneshe aýyl jaryqsyz qaldy .