Qyzylordada qatty jel ushyryp áketken úıdiń shatyry elektr jelisine ilinip qaldy
QYZYLORDA. QazAqparat - Qyzylordada qatty jel saldarynan turǵyn jaıdyń shatyry ushyp, joǵary kerneýli elektr jelisine ilinip qalǵan.
Oqıǵa ornynda jumys istegen qutqarýshylar tótenshe jaǵdaıdyń aldyn aldy, dep habarlaıdy QazAqparat.
Oqıǵa búgin, 17 mamyrda oblys ortalyǵyndaǵy «Araı» shaǵyn aýdanyndaǵy turǵyn úılerdiń birinde boldy. Qatty jel saldarynan turǵyn jaıdyń shatyry ushyp ketti.
«Joǵary kerneýli elektr jelisine ilinip qalǵan qańyltyr jabyndyny turǵyndar óz kúshimen túsire almaǵan. Sodan keıin qutqarýshylardyń kómegine júgindi. Oqıǵa barysynda qaza tapqandar men zardap shekkender joq», - dep málim etti oblystyq Órt sóndirý jáne avarııalyq qutqarý jumystary qyzmetiniń baspasóz hatshysy Álııa Erejepova.
Eske salsaq, búgin Qyzylorda trassasynda 5 adam mingen kólik kanalǵa qulap ketti.
