Qyzylordada qatty jel eki qabatty úıdiń shatyryn ushyryp ketti
QYZYLORDA. QazAqparat - Qyzylorda qalasynda soqqan qatty jel eki qabatty úıdiń shatyryn ushyryp ketti, dep habarlaıdy QazAqparat.
Oqys oqıǵa qala irgesinde ornalasqan Tasbóget kentinde boldy.Ushqan shatyr elektr symyn úzip, saldarynan turǵyndar jaryqsyz qaldy. Ázirge zardap shekkender týraly aqparat joq.
Oqıǵa kýágerleriniń biri tótenshe jaǵdaı ornynda tártip saqshylary jumys jasap jatqandyǵy týraly aıtty.
«Dalada qatty jel soǵyp turǵanyn baıqadyq. Bir kezde «tars» etken qatty dybys shyqty. Terezeden qarasaq shatyrymyz jerde jatyr. Dereý balalarymyz ben qujattarymyzdy alyp dalaǵa shyqtyq. Kóshede basqa kórshilerimiz de júr eken. Úıimiz negizinen eski. Shatyrymyz burynnan jóndeýdi qajet etetin», - deıdi oqıǵa kýágeri.
Aıta keteıik, qalada búgin tústen keıin jańbyr artynan qar jaýdy. Joldardyń barlyǵy kóktaıǵaq bolyp, kólik júrgizýshilerin biraz ábigerge túsirdi.
Aınur Tóleshova
