Qyzylordada qatty ystyqtan qalanyń birqatar bóligi jaryqsyz qaldy

QYZYLORDA. QazAqparat - Qyzylordada kúnniń qatty ysýy saldarynan qalanyń birqatar bóligi jaryqsyz qaldy, dep habarlaıdy QazAqparat tilshisi.

Qazir óńirde kúnniń qatty ysýy baıqalyp otyr. Saldarynan keshe, 24 maýsymda keshke qaraı KEGOC kompanııasynyń qosalqy stantsııasyndaǵy 35 kV áýe jelisinde júkteme kúrt kóbeıdi. Symdar boıy qyzyp ketkendikten úzilip, apattyq aǵytýlar kórinis berdi.

«Osyǵan baılanysty Tasbóget, Sáýlet, Báıterek shaǵyn aýdandarynda elektr jaryǵyn berý ýaqytsha toqtatyldy. Oblys ortalyǵynda jańa turǵyn úıler kóptep salynýda. Ol elektr jelisine túsetin júktemeniń jyl sanap artýyna sebepker bolyp otyr. Naqty aıtsaq, 100 úıge eseptelgen elektr qondyrǵysy qazir shamamen 300 úıdi qamtamasyz etedi. Sondaı-aq, qalalyq elektr jelisi jarty ǵasyrdan astam ýaqyttan beri halyqqa qyzmet jasap keledi. Atalǵan elektr jelileri qaıta jańǵyrtýdy qajet etedi», - dedi oblys ákiminiń baspasóz qyzmetiniń jetekshisi Abaı Taǵybergen.

Onyń aıtýynsha, «Qyzylorda elektr taratý toraptary» mekemesiniń qyzmetkerleri apattyq jaǵdaıdy qalpyna keltirý jumysyn júrgizdi. Nátıjesinde elektr energııasy qalpyna keltirildi.

Eske salsaq, budan buryn Qyzylorda oblysynda 20 mln teńgeniń sapasyz asfalty tóselgeni anyqtaldy.