Qyzylordada qatty aıazdan kólik qozǵalysy shekteldi

QYZYLORDA. QazAqparat - Qyzylorda oblysynda aýa raıynyń qolaısyzdyǵynan «Samara-Shymkent» tas jolynyń birqatar bóliginde kólik qozǵalysyna shekteý qoıyldy, dep habarlaıdy QazAqparat tilshisi.

Oblystyń Aral aýdanymen shektesetin Aqtóbe oblysynyń aýa-raıy nasharlaǵan. Qatty aıaz bolyp tur.

«Osyǵan baılanysty 11 qańtarda elorda ýaqytymen 20:00-den bastap respýblıkalyq mańyzy bar «Samara-Shymkent» avtomobıl jolynyń 1240-1343 shaqyrym aralyǵyna dızeldi jáne qoǵamdyq kólikter úshin qozǵalys shekteldi. Ol Aqtóbe oblysynyń shekarasynan Aral aýdanynyń ortalyǵyna deıingi aralyqty qamtıdy», - delingen oblystyq tótenshe jaǵdaılar departamenti taratqan habarlamada.

Eske salsaq, budan buryn da Qyzylorda oblysynda birqatar jol bóliginde kólik qozǵalysyna shekteý qoıyldy.