Qyzylordada qasqaldaq atqandar ustaldy
Qasqaldaq elimizde sany azaıǵan qustardyń qataryna jatqyzylady. Soǵan qaramastan atalmysh qusty atyp alǵan azamattar «Brakoner» jedel-profılaktıkalyq is-sharasy barysynda ustaldy. Olar Qarmaqshy aýdany Iirkól aýyly mańynda tún ishinde qolǵa tústi. Ustalǵan azamattardan 20-ǵa tarta qus tárkilendi. Olar qasqaldaq, úırek sekildi qustardy atyp alǵan.
«Atalmysh oqıǵa boıynsha QR Ákimshilik quqyq buzýshylyqtar týraly kodeksiniń 382-babyna sáıkes hattamalar toltyryldy. Odan bólek, olardan memleket paıdasyna materıaldyq shyǵyn óndiriletin bolady», - dep málim etti Qyzylorda oblystyq polıtsııa departamentiniń baspasóz qyzmeti.
Bıylǵy jyldyń 5-31 qazan kúnderi Qyzylorda oblysy kóleminde «Brakoner» jedel-profılaktıkalyq is-sharasy ótkizildi. Atalmysh shara barysynda aımaqta barlyǵy 214 ekologııalyq zań buzýshylyq anyqtaldy. Onyń ishinde, zańsyz aǵashtar men butalardy kesý, zańsyz ań aýlaý jáne ań aýlaý erejelerin buzý, zańsyz balyq aýlaý, azamattyq qarýdy tasymaldaý, saqtaý erejesin buzý oqıǵalary tirkeldi. Atalǵan merzimde 9 qylmystyq is qozǵalyp, sotqa deıingi tergep-tekserý amaldary júrgizilýde. Zańsyz ań, balyq aýlaýmen jáne zańsyz butalar men aǵashtardy kesýmen ustalǵan 7 avtokólik tárkilenip, aıyp alańdaryna jetkizildi.