Qyzylordada kásipkerlerdi bopsalaǵan qylmystyq top músheleri ustaldy

QYZYLORDA. QazAqparat – Qyzylorda oblysynda uıymdasqan qylmystyq top músheleri ustaldy. Olarǵa kásipkerlerden, qarapaıym azamattardan qorqytyp aqsha, múlik tartyp alý jáne esirtkiniń zańsyz aınalymyna baılanysty birneshe qylmys jasady degen aıyp taǵylyp otyr, dep habarlaıdy QazAqparat tilshisi.

Ulttyq qaýipsizdik komıtetiniń Qyzylorda oblysy jáne Baıqońyr qalasy boıynsha departamenti arnaıy jedel izdestirý sharalaryn júrgizdi.

«Nátıjesinde Qyzylorda qalasynda kásipkerlerden, qarapaıym azamattardan qorqytyp aqsha men múlikterdi tartyp alýmen jáne esirtkiniń zańsyz aınalymyna baılanysty birneshe qylmys jasady degen kúdikpen uıymdasqan qylmystyq toptyń 12 múshesi ustaldy. Uıymdasqan qylmystyq top músheleri sot sanktsııasymen eki aıǵa qamaýǵa alyndy. Tergeý júrip jatyr. Ózge málimetter tergeý múddesine baılanysty QR Qylmystyq-protsestik kodeksi 201-babynyń talabyna sáıkes jarııa etilmeıdi», - dedi Qyzylorda oblystyq prokýratýrasynan.

Eske salsaq, budan buryn Qyzylordada úsh kúnde tabıǵat qorǵaý zańnamasyn buzǵan 19 derek anyqtaldy.