Qyzylordada «Kásipkerler úıi» ashyldy
QYZYLORDA. QazAqparat - Qyzylorda qalasynda «Kásipkerler úıi» ashyldy, dep habarlaıdy QazAqparat tilshisi.
Óz isterin bastaǵan jáne bolashaq kásipkerler úshin barlyq qolaıly jaǵdaıdy jasaý maqsatynda «Kásipkerler úıine» oblystyq kásipkerlik jáne týrızm basqarmasy, «Qyzylorda» Óńirlik ınvestıtsııalyq ortalyǵy, Kásipkerlerge qyzmet kórsetý ortalyǵy, «Jobalarǵa saraptama júrgizý ortalyǵy» JShS, Óńirlik kásipkerler palatasy, «Tsesnabank» AQ Qyzylorda fılıaly jáne ózge de mekemeler ornalastyrylǵan.
Jalpy bıznes ortalyq múmkindigi shekteýli azamattar úshin de yńǵaıly. Tıisti pandýs jáne lıftpen jabdyqtalǵan. Ǵımaratta ártúrli semınarlar, dóńgelek ústelder, forýmdar, iskerlik kezdesýler men túrli taqyryptar boıynsha is-sharalar ótkizýge arnalǵan 3 májilis zaly bar.
Qyzylorda oblysynda 2018-2020 jyldar «Jappaı kásipkerlikti damytý jyldary» bolyp jarııalandy. Negizi osyǵan deıin 2018 jyl aımaqta «Jappaı kásipkerlikti damytý jyly» retinde jarııalanǵan bolatyn. Máseleniń mańyzdylyǵyn eskere otyryp, onyń merzimi 3 jylǵa deıin uzartyldy.
