Qyzylordada kásipkerge shabýyl jasaǵan 6 kúdikti ustaldy
QYZYLORDA. QazAqparat – Qyzylordalyq polıtseıler kásipkerdiń úıine qaraqshylyq shabýyl jasaǵan 6 kúdikti adamdy qolǵa túsirdi, dep habarlaıdy QazAqparat tilshisi.
«Qyzylorda oblystyq polıtsııa departamentiniń krımınaldyq polıtsııa basqarmasynyń jáne QR Іshki ister mınıstrliginiń krımınaldyq polıtsııa departamenti birlese jedel izdestirý sharalaryn júrgizdi. Nátıjesinde qylmystyq oqıǵaǵa kúdikti 6 adam ustaldy. Kúdiktiler qylmystaryn tolyǵymen moıyndady. Olardan aıǵaq zattar alyndy. Ustalǵan qylmyskerler - 20-25 jas shamasynda, turaqty jumysy joq jáne buryn sotty bolǵan azamattar», - dedi Qyzylorda oblystyq polıtsııa departamentiniń baspasóz qyzmetinen.
Kúdiktiler ýaqytsha ustaý abaqtysyna qamaldy. Qazirgi olardyń ústinen QR Qylmystyq kodeksiniń 192-babynyń 4 - bóligimen, 99-babynyń 2-bóligimen sotqa deıingi tergeý amaldary jalǵasýda.
Eske salsaq, osydan eki aptadaı buryn betperde kıgen belgisiz azamattar kásipkerdiń úıine qaraqshylyq shabýyl jasaǵan edi. Qaraqshylar kásipkerdi uryp-soǵyp, onyń úıinen aqsha, zergerlik buıymdar jáne eki avtokólikti qoldy etti.
