Qyzylordada kásipkerge shabýyl jasaǵan 6 adam qolǵa tústi

QYZYLORDA. QazAqparat - Qyzylordada polıtsııa qyzmetkerleri jeke kásipkerdiń úıine qaraqshylyq shabýyl jasaǵan 6 adamdy qolǵa túsirdi. Alǵan dene jaraqatynan jábirlenýshi kóz jumǵan, dep habarlaıdy QazAqparat tilshisi.

Eske sala ketsek, osydan eki aptadaı buryn betperde kıgen belgisiz azamattar kásipkerdiń úıine qaraqshylyq shabýyl jasaǵan edi. Qaraqshylar qolyndaǵy qarýǵa uqsas zatpen jábirlenýshini uryp-soqqan. Sodan keıin kásipkerdiń úıinen aqsha, zergerlik buıymdar jáne eki avtokólikti qoldy etti. Osylaısha kásipkerdiń otbasyna asa iri mólsherde shyǵyn keltirdi.

«Bul baǵytta Qyzylorda oblystyq polıtsııa departamentiniń krımınaldyq polıtsııa basqarmasynyń jáne QR Іshki ister mınıstrliginiń krımınaldyq polıtsııa departamenti birlese jedel izdestirý sharalaryn júrgizdi. Nátıjesinde qylmystyq oqıǵaǵa kúdikti 6 adam ustaldy. Kúdiktiler jasaǵan is-áreketterin tolyǵymen moıyndady. Olardan aıǵaq zattar alyndy. Ustalǵan qylmyskerler - 20-25 jas shamasynda, turaqty jumysy joq jáne buryn sotty bolǵandar. Olar Qyzylorda qalasy polıtsııa basqarmasynyń ýaqytsha ustaý abaqtysyna qamaldy. Qazirgi tańda sotqa deıingi tergep-tekserý amaldary QR Qylmystyq kodeksiniń 192-babynyń 4 - bóligimen, 99-babynyń 2-bóligimen sotqa deıingi tergep-tekserý amaldary jalǵasýda», - dep málim etti Qyzylorda oblystyq polıtsııa departamentiniń baspasóz qyzmetinen.

Sondaı-aq, kúdiktilerdiń taǵy bir qylmysqa qatystylyǵy zerdelenýde. Bıylǵy 5 tamyzda Qyzylordaad jeke úıdiń garajynan «Toyota Land Cruiser 200» avtokóligi urlanǵan bolatyn