Qyzylordada kásipker aýylyna sport keshenin salyp berdi
QYZYLORDA. QazAqparat - QR Táýelsizdigi merekesi qarsańynda Qyzylorda oblysy Shıeli aýdanyna qarasty Bestam aýyldyq okrýginde jergilikti kásipker sport keshenin salyp berdi, dep habarlaıdy QazAqparat tilshisi.
Ony «Qozybaev» sharýa qojalyǵynyń tóraǵasy Baımuhanbet Qozybaev óz qarjysyna salyp berdi. Bul maqsatta kásipker 66 mln teńge shamasynda qarjy jumsaǵan. Sport kesheni memlekettik-jekeshelik áriptestik aıasynda júzege asyryldy.
Shıeli aýdanynda zamanaýı sport alańdary, dene shynyqtyrý jəne saýyqtyrý alańdary kóptep salynýda.
Byltyr aýdanda memlekettik-jekemenshik áriptestik aıasynda Aqmaıa aýylynan jobalyq quny 70 mln. teńgeni quraıtyn sport kesheni el ıgiligine aınaldy. Sondaı-aq, bıyl 42 mln. teńgeniń sport kesheni Alǵabas aýylynda halyq ıgiligine tabystaldy. Sondaı-aq, Eńbekshi, Jólek aýyldarynan da dál osyndaı keń sport keshenderi iske qosyldy. Endigi kezekte Kerdeli aýyldyq okrýginde memlekettik-jekemenshik áriptestik aıasynda sporttyq saýyqtyrý kesheniniń qurylysy júrgizilýde.
Budan buryn Shıeli aýdany Tóńkeris aýylynda jergilikti kásipker sport keshenin salyp bergenin habarlaǵan edik.
Sondaı-aq, qyzylordalyq kásipker muqtaj otbasylarǵa páter syılady.
Al QR Táýelsizdigi merekesi qarsańynda Qyzylordada qaıyrymdylyq jasaýshylar men metsenattardyń oblystyq forýmy ótti.
