Qyzylordada kásipker 10 mln teńgege «Taǵzym alańyn» salyp berdi
QYZYLORDA. QazAqparat - Qyzylorda qalasyna qarasty Qaraýyltóbe aýylynda Syr óńirine belgili kásipker Seıitqalı Alshynbaev 10 mln teńge qarjylaı demeýshiligimen «Taǵzym alańyn» salyp berdi, dp habarlaıdy QazAóparat tilshisi.
Bul ıgilikti shara Elbasynyń «Rýhanı jańǵyrý» baǵdarlamasyn júzege asyrýda, aımaq basshysynyń tikeleı bastamasymen bastaý alǵan «Týǵan jerge taǵzym» aktsııasy aıasynda uıymdastyrylǵan.
«Qaraýyltóbe aýyldyq okrýginen Ekinshi dúnıejúzilik soǵysqa 68 maıdanger attansa, olardan 25 jeńimpaz elge oralǵan eken. Ókinishke oraı, 43 bozdaqqa týǵan jerdiń topyraǵy buıyrmady. Búgingi bul tartýymyz - sol kisilerdiń aldyndaǵy azamattyq boryshymyz», dedi S. Alshynbaev.
Aýyl ortalyǵyndaǵy 8 sotyq aýmaqta oryn tepken «Taǵzym alańynda» 68 maıdangerdiń jáne sol jyldarda eleýli eńbek etken 13 tyl ardagerleriniń esimderi mármár tasqa qashap jazylǵan.
Ádiljan Úmbet
