Qyzylordada qashyqtan bilim alyp jatqan 2 oqýshydan koronavırýs anyqtaldy
QYZYLORDA. QazAqparat - Qyzylorda oblysynda qashyqtan bilim alyp jatqan 2 oqýshydan koronavırýs ınfektsııasy anyqtaldy, dep habarlaıdy QazAqparat tilshisi.
Qyzylorda oblysynda 19 qarashadaǵy málimet boıynsha koronavırýs ınfektsııasynyń 5 jaǵdaıy tirkelgen. Onyń 1-i Qarmaqshy aýdanynda, 4-i Qyzylorda qalasynda bolǵan.
Aıta keterligi, qaterli dertti juqtyrǵan adamdardyń 3-i bir otbasydan shyqqan. Olar bir-birimen jaqyn qarym-qatynasta bolǵany anyqtaldy. Qaterli dertti juqtyrǵandar arasynda 2011 jáne 2013 jyly dúnıege kelgen 2 oqýshy bar. Oqýshylar qashyqtan bilim alady.
«Naýqastardyń arasynda PTR analızi 4 adamnan koronavırýs ınfektsııasymen aýyrǵan adammen qarym-qatynasta bolýyna baılanysty alynǵan. Al 1 adam densaýlyq jaǵdaıyna baılanysty ózdiginen medıtsınalyq kómekke júgingen. Naýqastardyń 1-de aýrýdyń klınıkalyq belgisi baıqalsa, qalǵanynda aýrý belgisinsiz túrde anyqtaldy. Qazirgi tańda 1-i oblystyq juqpaly aýrýlar aýrýhanasynda em qabyldap jatyr. Qalǵany úıde em alýda jáne medıtsınalyq baqylaýǵa alyndy», - dep málim etti Qyzylorda oblysy sanıtarlyq-epıdemıologııalyq baqylaý departamentinen.
Vedomstvo málimetinshe, aýrý oshaqtarynda mamandar indetke qarsy is-sharalar uıymdastyrylǵan. Naýqastarmen qarym-qatynasta bolǵan adamdar medıtsınalyq baqylaýǵa alynǵan.
