Qyzylordada qaryndasy túrmedegi aǵasyna baýyrsaq ishine telefon salyp ótkizbek boldy
QYZYLORDA. QazAqparat - Qyzylorda turǵyny tergeý ızolıatorynda otyrǵan baýyryna baýyrsaqqa jasyryp telefon ótkizbek boldy, dep habarlaıdy QazAqparat tilshisi.
Qyzylordada qaryndasy tergeý ızolıatorynda qamaýda otyrǵan aǵasyna baýyrsaqqa salyp telefon ótkizbek bolǵan.
Sálem-saýqat esebinde alyp kelgen baýyrsaq ishinen telefon tabyldy.
Qaryndasy Nokia markaly telefony men qýattaǵysh qurylǵysyn folga qaǵazyna orap, baýyrsaq ishine jasyrǵan.
Aıta keteıik, qamaýdaǵy aǵasy QR Qylmystyq kodeksiniń 106-babymen segiz jylǵa bas bostandyǵynan aıyrylǵan.
«Qazirgi tańda atalǵan derek boıynsha QR Ákimshilik quqyq buzý kodeksiniń 481-babyna sáıkes is-qujattary protsessýaldyq sheshim qabyldaý úshin Qyzylorda qalalyq ákimshilik sotyna joldandy» dep málim etti Qyzylorda oblystyq polıtsııa departamentiniń baspasóz qyzmeti.
