Qyzylordada karantın talaptaryn buzǵan 2 dámhananyń jumysy toqtatyldy

QYZYLORDA. QazAqparat - Qyzylordada karantın talabyna baǵynbaı, kelýshilerge karaoke qyzmetin usynǵan eki dámhana jumysy toqtatyldy, dep habarlaıdy QazAqparat tilshisi.

Qazir Qyzylorda qalasynda karantındik talaptardyń saqtalýyn qadaǵalaý basty nazarǵa alynǵan. Bul baǵytta monıtorıngtik top músheleri turaqty jumys júrgizýde.

«Monıtorıng top ókilderi 31 naýryzda Jeltoqsan, Esenov, Qonaev, Tolybekov kósheleri men «Bolashaq» aıaldamasy aýmaǵyndaǵy kásipkerlik nysandarǵa monıtorıng júrgizdi.

Sonyń nátıjesinde 2 kafeniń kelýshilerge karaoke qyzmetin usynǵandyǵy belgili boldy. Óńirde karantın talabyna baılanysty karaoke qyzmetine tyıym salynǵan. Budan bólek qyzmet kórsetip turǵan kompıýterlik klýbynyń jumysy toqtatyldy. Anyqtama toltyrylyp, tıisti mekemege joldandy», - dedi Qyzylorda qalasy ákimdiginen.

Esterińizge sala ketelik, jyl basynan beri Qyzylorda oblysynda 100-den astam karantın talabyn buzý deregi tirkelgen.