Qyzylordada karantın talaptary kúsheıtilýi múmkin

QYZYLORDA. QazAqparat - Qyzylorda oblysynda aldaǵy kúnderi karantındik talaptar kúsheıtilýi múmkin, dep habarlaıdy QazAqparat tilshisi.

Ótken táýlikte óńirde 43 adam koronavırýs juqtyrdy. Osylaısha oblysta qaterli indetke shaldyqqan turǵyndar sany 6490 adamǵa

Saldarynan oblys koronavırýs ınfektsııasyn juqtyrý boıynsha elimizde qaıtadan «sary» aımaqqa endi.

«Búginde ınfektsııalyq statsıonarda 359 naýqas em alýda. Al jansaqtaý bóliminde 44 adam jatyr. Kópshilik arasynda koronavırýs belgisin dárigerge habarlamaı, úı jaǵdaıynda óz betinshe emdelip jatqandar kezdesýde. Sondyqtan turǵyndardan aýrý belgileri baıqalǵan sátte dereý dárigerdiń kómegine júginińizder dep suraımyz», - dedi oblystyq densaýlyq saqtaý basqarmasynyń basshysy Sábıt Pazılov.

Eske sala keteıik, ótken jyly jaz aılarynda aýrýshańdyq beleń alǵan bolatyn. Sala mamandary turǵyndardy saqtyq sharalaryn qatań saqtaýǵa shaqyrdy.

«Qaýip joq emes, bar. Sondyqtan dárigerler nusqaýyna qulaq asyńyzdar. Osy ýaqytqa deıin túsindirme jumysy júrgizilip keledi. Meılinshe vaktsınany alý qajet. Sondaı-aq, kópshilik oryndarǵa barmańyzdar. Aýrýdyń kózi áli bar. Maskalyq rejımdi saqtap, kúndelikti saqtyq sharalaryn eskerińizder», - dedi oblystyq sanıtarııalyq-epıdemıologııalyq baqylaý departamenti basshysynyń orynbasary Álııa Ábdiqaıymova.

Ádiljan Úmbet.