Qyzylordada karantın talabyn buzýǵa baılanysty 900-den astam derek tirkelgen
Olardyń 543-i toı jasaýǵa qatysty bolyp otyr. Óńirde arnaıy qurylǵan 24 mobıldi top jumys jasaýda.
«Qyzylorda oblysynda 2020 jylǵy 25 jeltoqsannan bastap 2021 jylǵy 5 qańtarǵa deıin birqatar is-sharalardy ótkizýge tyıym salyndy. Olardyń qatarynda oıyn-saýyq, sporttyq jáne basqa da buqaralyq is-sharalardy, onyń ishinde jańa jyldyq erteńgilikter men korporatıvterdi ótkizý bar», - dedi oblystyq polıtsııa departamentiniń jergilikti polıtsııa qyzmetiniń bastyǵy Baýyrjan Ibraev.
Qyzylorda qalasy ákimdiginiń janynan qurylǵan monıtorıngtik top oblys ortalyǵynda jáne shet aımaqta ornalasqan birqatar kásipkerlik nysandar aralady. Onda sanıtarlyq talaptar qadaǵalandy. Jumys barysyna top múshelerimen qala ortalyǵynda ornalasqan «Selena Star»,
«Esperanza», «Baron», «Dýbaı», «Vostok» meıramhanalarynda karantın talaptary saqtalmaǵany anyqtaldy. Olarǵa tıisti anyqtama toltyryldy. Sonymen qatar mobıldi top músheleri «Venom» kompıýterlik klýbymen «Loto» býkmekerlik ortalyqtyń jumys jasap turǵany anyqtady. Kompıýterlik klýbtyń jáne býkmekerlik ortalyqtyń ákimshisine arnaıy anyqtama toltyrylyp, qalalyq sanıtarııalyq-epıdemıologııalyq baqylaý baskarmasyna joldady.
Aıta keterligi, Qyzylordada koronavırýs juqtyrǵan naýqastardyń 98,4 paıyzy tolyǵymen jazyldy.