Qyzylordada karantın talabyn buzǵandar anyqtaldy
QYZYLORDA. QazAqparat - Qyzylorda oblysynda jyl basynan beri karantın talabyn buzǵan 4 jaǵdaı anyqtaldy, dep habarlaıdy QazAqparat tilshisi.
Olardyń 2-eýi Qyzylorda qalasynda, qalǵany Shıeli jáne Qazaly aýdandarynda tirkelgen. Barlyǵynda kafe ıeleriniń shekti ýaqytty saqtamaı, karantın rejımin buzǵany anyqtaldy.
«Bul jaǵdaılar 4 qańtarǵa deıin tirkelgen. Odan bergi úsh kúnde mundaı keleńsizdikter bolǵan joq. Olarǵa 444 myń teńgeden astam aıyppul salyndy», - dedi Qyzylorda oblysy Sanıtarlyq-epıdemıologııalyq baqylaý departamentiniń baspasóz hatshysy Aıman Janahaeva.
Qyzylorda oblysynda 2020 jyly karantın talabyn buzǵan 900-den astam derek tirkelgen. Olardyń 543-i toı jasaýǵa qatysty bolǵan. Óńirde bul maqsatta arnaıy qurylǵan 24 mobıldi top jumys jasaýda.
Esterińizge sala ketelik, qazirge deıin Qyzylorda oblysynda 3425 adam koronavırýs juqtyrǵan . Olardyń 3343-i aýrýynan jazylyp shyqty.
