Qyzylordada karantın talabyn buzǵan túngi klýb basshysy jazalandy

QYZYLORDA. QazAqparat - Qyzylordada karantın talaptaryna baǵynbaǵan túngi klýb basshysy tıisti jazaǵa tartyldy, dep habarlaıdy QazAqparat tilshisi.

Óńirde karantın talaptarynyń saqtalýyn qadaǵalaý boıynsha monıtorıngtik toptardyń reıdi jalǵasýda. Bul baǵytta qala ákimdigi janynan qurylǵan monıtorıngtik top músheleri nátıjeli jumystar atqaryp keledi. Tıisti sala mamandary qala ortalyǵyndaǵy birneshe oıyn-saýyq ornynda karantındik shekteýlerdiń saqtalmaǵanyn anyqtady. Bul baǵytta jınaqtalǵan materıaldar kásipkerlik nysan ıelerine tıisti shara qoldaný úshin úılestirý ortalyǵyna joldandy.

«Oblys ortalyǵyndaǵy «Alen» túngi klýbynda karantındik talaptar buzylǵan. Bul oryn túngi saǵat 23.20-ke deıin jumys istegen. Tártip saqshylaryna klýb ákimshisi men kúzetshileri esik ashpaǵan. Monıtorıngtik top músheleri klýb ıesin oqıǵa ornyna shaqyrtty. Qazir bul boıynsha QR Ákimshilik quqyq buzýshylyq týraly kodeksiniń 443-babynyń 1-bóligimen attama toltyrylyp, aıyppuldar salyndy», - dedi Qyzylorda oblystyq polıtsııa departamentinen.

Esterińizge sala ketelik, Qyzylordada koronavırýsqa qarsy vaktsınanyń ekinshi dozasyn egý bastaldy.