Qyzylordada karantın talabyn buzǵan eki otbasylyq toı toqtatyldy

QYZYLORDA. QazAqparat - Qyzylorda oblysynda otbasylyq toı ótkizgen eki nysan anyqtaldy, dep habarlaıdy QazAqparat tilshisi.

Eki oqıǵa da Qyzylorda qalasynda tirkeldi. Qala ákimdiginiń janynan qurylǵan monıtorıngtik top qala aýmaǵyndaǵy meıramhana, dámhana, kafe sekildi qoǵamdyq tamaqtaný nysandary aralap, onda karantın talaptaryn saqtaý talabyn qadaǵalaıdy. Bul maqsatta tıisti túsindirme jumystary turaqty júrgiziledi.

«Monıtorıngtik top músheleri 2-4 sáýir aralyǵynda karantın talabyn buzyp, 2 otbasylyq toı ótkizgen nysandardy anyqtady. Olardy toqtatyp, kemshilikke jol bergender jazaǵa tartyldy. Bul jumystar aldaǵy ýaqytta da turaqty jalǵasady. Epıdemıologııalyq jaǵdaıdy turaqtandyrý úshin Qyzylorda qalasynda otbasylyq, saltanatty, estelik is-sharalardy (banketter, úılený toılary, mereıtoılar), onyń ishinde úıde jáne adamdar kóp jınalatyn ózge de is-sharalardy ótkizýge tyıym salynǵan. Maska rejımi jáne áleýmettik qashyqtyq saqtaý - sanıtarlyq talap, ári azamattardyń qazirgi ómirindegi kúndelikti erejege aınalýy tıis», - dep málim etti Qyzylorda qalasy ákimdiginen.

Esterińizge sala ketelik, budan buryn Qyzylordada karantın talaptaryn buzǵan 2 dámhananyń jumysy toqtatyldy.